Bie de gratie vanne Kakers en de waalwillendjheid van vorste Jack en Marc en
oze alwieze raod van elluf, 51ste Prins van dit Kakerlandj

Wae proclamere det de regering is äövergenaome van Prins Martijn I en det wae as liefspräök zulle veure:

Wae Prins Jan II

Commandeur inne orde van: mezieknäotjes, dunne en dieke buim

Ridder inne orde van: alle jonges en maedjes van draan, platkallendje luuj en anger waerslep.

Graaf: vanaaf de nuujbouw van Heineshaof, — oppe Maxeterdiek aan, — äöver de Berg naeve adjudant Milou, — van dao oet, door ’t veldj langs de jonges van Senssen, — via de Menneswaeg op naor Maxet-Oeëst – rechtsaaf de Noorderbaan op,– achter de Bondj äöver ’t zandjpaedje naor de Aorebos,– rechtsaaf de Vieëstraot op, naeve de aoj stort van Leivere, –de Hieërbaan op, via de Liesjeshook naeve de Leiverder horeca,– bie de kèrk rechstaaf en den via de Ongerwaeg op heivers aan.

Besjermhieër: van Diane, Emma, Rosa en Huub

Groeëtvorst: van groeëte pöt beer en royale lép vleis

Wae Proclamere wiejer,

1. Det Jonk Geweldj al ’n kwart ieëw meziek meuktj oppe Maxet en det wae d’r gein touw aan vast kinne knuipe waorom ze gein tuike mieër springe, op oos prinsebal.
2. Det d’n Aoje Limburger dit jaor op Roggel aan is, op ein ing en smaal stökske, en det wae det neet begriepe, omdet oppe Maxet plaats zat is en den löpse neet vanoet de fieësttent mèt diene kiebes taege ‘ne sjeetboum aan.
3. Desse as vereiniging luuj nuuedig höbs mèt ein werm vereinigingshert en det die van Vrenken, mèt F of V, det höbbe, en det die op gaon wie mikkedeig, noe ze dit huuere.
4. Det de grondj in Maxet-Midde geine kniensaerd is, want dao gruutj al en is ’t vergaeve van Aod prinse.
5. Det plat kalle ein gave is, waatse kins doorgaeve aan dien wichter en det ’t jaomer is det väöl plat-kallendje luuj, det neet doon.
6. Det ’t Verslokaal, de kaoj sjottel van Truus in ‘t assortiment haet, mer det ze häör kruje äöveral vanaaf haole, terwiel ze ’t bie häör inne haof zoeë kinne plökke.
7. Detse ‘ne prins neet allein kins laote gaon, omdesse den neet wits of d’r zien vaere daonao nog haet. En det Ron en de Vorste, in ‘n houwmouw nuuj vaere bestèldje……. en d’r nao höbbe aafbesteldj
8. Detse in Heitse mos ligke te zwaegele om ’n huipke veur te kriege, mer det ze in Leivere ’t veur royaal aanmake mèt Sinte Merte.
9. Det die vanne Hei mèt de Fieëstnaas väöraan staon, noe ze de prinses vanne Koelekop höbbe, ‘ne adjudant van de Kwakkerteprins… en de adjudant van de Kakersprins. Dus, minder gezeiver en mieër netto zoeptied.
10. Det mien vrouw al hieël lang iefertj om mich in ’t getuug te haoje, mer ze mèt dees daag gooj hulp kriegtj van adjudante Milou en Fons, die d’r neet in tuffe as ’t om ein fieëstje geit. Want die, gaon door kappes en tabak.
11. Det wae ’t hiebie, zulle laote

Gegaeve: wie Jack beldje mèt ziene fiene kal en ich taege mien vrouw zag, det is vraemdj. Mer toen d’r mèt Marc ane däör stong, ich flot doorhaaj det ze neet kwome om te kalle äöver ’t vertale vanne website.

Prins Jan II, Kakers Alaaf, Maxet Alaaf, Kakers Alaaf.

Bie de grasie vanne Kakers – en de waalwillendjheid van Vorst Marc I en Vorst Jack I – en häöre alwieze
Raod van Ellef, – 29ste Jeugdprinses van dit Kakerlandj

Wae proklamere – det de regering is äövergenaome – van Jeugdprinses Gwen I – en det wae as liefspräök zulle veure:

Wae Jeugdprinses Noa I

Kommandeur inne orde van: Creatieve Beauty’s!

Ridder inne orde van: De Blauwe Turnmat & de Crea-Bea’s.

Gravin: vanne Burgemeister Geurtslaan – – ‘n rundje rondjom de Kreppel – – via de Bosscherkampwaeg – – weer trök langs de nuuj groeëte fieëstlokatie van de Familie Vrenken – – via de Welkoop op hoes aan.

Besjermvrouw: van Mam, Pap, Levi en buurhundje Teddy.

Groeëtvorstin: van Turnclub Häör!

Wae Proklamere wiejer,

1. Det Aod Jeugdprinses Gwen I met dees daag – – kan doon wat ze wiltj – – want Natasja haet noe de henj vol aan mich.
2. Det Zarah en ich de turnvloer gebroeke om os kunste te laote zeen – – dus pasj mer op – – en doot mer met os met.
3. Det Ries en ich gooij kandidate zeen – – om äöver inkele jaore met ‘t Vettig Umke met te doon – – en wae belove det wae van te väöre – – de tenj zulle poetse.
4. Det mien broor Levi – – gaer Prins wiltj waere – – mer det ’t mich noe ieërder is gelökt – – om Prinses te waere.
5. Met miene paetaome – – d’r spiet van kriegt det d’r met dees daag – – op ski-vakantie meintj te motte gaon.
6. Det ich eine echte hondjevrundj bin – – vraog mer aan Teddy – – de hondj van oos äöverbure.
7. Det ’t met dees daag nog meujlik keeze waerdj – – tussen de lekkere lasagne van mam – – de arretjes cake van oma – – of de friet van Mariëlle.
8. Det mam en pap noe neet mieër moge zegge – – det ich ‘n ijdeltuit bin – – want as Jeugdprinses wil ich d’r good oet zeen.
9. Det ich ’t sjoeën vinj – – det mien adjes zoeë gek met häör knien zeen – – mer eine dae knien haet – – dae haet ouch käötele.
10. Det ‘t met dees daag waal ‘ns laat kan waere – – want ouch ich bin lid van de club – – lang opblieve en tied rekke.
11. Det wae ‘t hiebie zulle laote.

Gegaeve: Det de aovendj det de commissie mich kwoom vraoge – – ich al jao haaj gezag – – väördet mien pap en mam iets wisten.

Jeugdprinses Noa I Kakers Alaaf… Maxet Alaaf… Kakers Alaaf…