Bie de gratie vanne Kakers en de waalwillendjheid van vorste Jack en Marc en
oze alwieze raod van elluf, 52ste Prins van dit Kakerlandj

Wae proclamere det de regering is äövergenaome van Prins Jan II en det wae as liefspräök zulle veure:

Wae Prins Jens I

Commandeur inne orde van: de stoppekas, kruuensteinkes en meziek in ’t plat.

Ridder inne orde van: de boys van Heitse en de fieëstjes rondjom de kèrk.

Graaf: vanaaf ’t Aorebos – achterdoor richting adjudant Stijn, — daonao pitse wae d’r eine bie Aod Leivere – den – via de Ongerwaeg – op de Scheyvenhofwaeg aan — om dao met die aoj – achter de rollator – ‘ne polonaise te make — vervolgens oppe Maxeterdiek aan – naeve adjudant Rick – daonao drinke wae d’r versjillendje – in dae hook same met dae bössel aod Prinse, – den – al slingerendj door ’t dörp naeve de plies – adjudant Idse ophaole – en gaon wae achter de fieësthal – van Vrenken – weer op heivers aan.

Besjermhieër: van Lynn, pap, mam en mien twieë breurs.

Groeëtvorst: van ‘ne goje Weizen en duchtige katers

Wae Proclamere wiejer,

1. Det Aod Prins Jan II altied as lètste naor hoes wiltj — en det de Vorste dit jaor get ieërder naor hoes kinne — tenminste — det dinke ze!
2. Det Kwakkerte Prins Paul I — in drie jaor tied — noe twieë kieër prins is gewaore — en as hae ‘ne derdje kieër prins wiltj waere — mot d’r mer ‘ns good prakkezere — äöver ‘t sjoeëne Maxet.
3. Det wae ’t d’r dök äöver gehadj höbbe — det adjes Rick en Idse — plat motte kalle — mer det die dao noe — echt neet mieër ongeroet kinne komme.
4. Det miene groeëte broor — kleine Prins is gewaesj — mer det noe de kleine broor — groeëte Prins waerdj.
5. Det wae – in ’t derdje van Heitse — mieër Aod Prinse en Aod adjudante höbbe — den puntje gescoordj.
6. Det wae ’t sjiek vinje — det Aod Prins Rob – van De Losböl — dae niks mèt Vastelaovendj haaj — ziene liefspräök – bienao ‘n jaor – aan zien gevel haet laote hange.
7. Noe det Klein Paries – ‘n fietsezaak waerdj — zeen wae toch benuujd — of detse dao allein mer – zoepfietse kins kriege.
8. Det Bas Peeters — miene sjoeënpap — steeds trök blieftj kome – bie De Kakers — dae kriesse neet eweg — pront wie ‘ne pieëlbrandj.
9. Det wae gruuets zeen – op ’t 3×11 jubileum – van ‘t Vettig Umke — en det wae gaer – same met häör — ’t volgendj jubileum – ouch wille vere.
10. Noedet slechter Janssen – ‘ne pizzaria waerdj — kinse allein nog mer – vers geslachtj vleis — op ’t Maxet kriege.
11. Det wae ’t hiebie, zulle laote.

Gegaeve: wiedet ich binne kwoom – bie de Molshoof – väör ’t organisere – van ‘n surpiseparty, haaj ich neet verwachtj – det ich zelf de surprise woor. Sjiek det gae aan mich höbtj gedachtj!

Prins Jens I
Kakers Alaaf, Maxet Alaaf, Kakers Alaaf.

Bie de grasie vanne Kakers – en de waalwillendjheid van Vorst Marc I en Vorst Jack I – en häöre alwieze
Raod van Ellef, – 30ste Jeugdprinses van dit Kakerlandj

Wae proklamere – det de regering is äövergenaome – van Jeugdprinses Noa I – en det wae as liefspräök zulle veure:

Wae Jeugdprinses Lotte I

Commandeur inne orde van: de Giebeltantes

Ridder inne orde van: De reddingsboei & de riejlaarze

Gravin: van in ‘t Veld – ‘n rundje rondjom de Kreppel – via de Bosscherkampwaeg – weer trök via de Leiverse waeg – langs de groeëte fieëstlocatie van de Familie Vrenken – en den via de Boorebonj – langs de mini-Zeboe’s – weer op hoes aan.

Besjermvrouwe: van Mam, Pap & Daan

Groeëtvorstin: van de Reddingsbrigade & mieën favoriete paerd Zartos!

Wae Proklamere wiejer,

1. Det Aod Jeugdprinses Noa I & häör Aod Adjes mèt dees daag altied welkom zeen om mèt ós mèt te fieëste, want die höbbe ‘t Vastelaovesvirus flink te pakken gekraege.
2. Det ich Nederlands opgevoed bin, messjien det ich det Heitser waordebook van Aod Prins Jan II mèt dees daag, nog nuuedig gaon höbbe.
3. Det ich hieël verieërdj bin, det ich same mèt mieën adjudantes, Lotte & Riva, väörop moog gaon bie ‘t Vastelaovendj veere.
4. Det mieën broor en ich echte plaogmötse zeen, mer det wae ouch neet zonger elkaar kinne.
5. Det mieën Adje Lotte mèt de nuuedige Vastelaoveservaring, ós de waeg kin wieëze.
6. Det wae met dees daag allein de 5-P’s moge aete: Patat, Pizza, Pasta, Pannekook en Paprikachips.
7. Det wae echte snuikvotte zeen, dao kinne wae good op stuitere.
8. Det mieën adjes en ich in de klas wied oeterein gezatj waere, mer mèt de Vastelaovendj geit ze det neet lökke.
9. Det Riva vandaag hie neet in de gordiene moog slingeren.
10. Det wae net zoeë hel gaon fieëste, as ich kan renne oppe atletiekbaan in Heitse.
11. Det wae ‘t hiebiej zulle laote.

Gegaeve: Det de aovendj det de commissie aan de däör kwoom, ze pap äövervele en vrooge of zieën dochter Jeugdprinses wildje waere bie De Kakers, aangezeen ich zwumme waas.

Jeugdprinses Lotte I
Kakers Alaaf… Maxet Alaaf… Kakers Alaaf…